product

08:28 | 0 التعليقات | قراءة المزيد

رواية اللقيطة فصل 3

رواية اللقيطة فصل 3

خرجت وسدت الباب بجهد وقلبها كايتغلغل بلفقصة .لقات سي براهيم كايتسناها فالباب

 شد من عندها لبالزة ديالها اوصلها لدارو
سي براهيم- فاطمة ,,,فاطمة
فاطمة- هانا مالك كاتغوت ,,,شكون هاد البنت
سي براهيم- ضيف الله ,,,اجي معايا لبيت بغيت نهضر معاك
فاطمة- دخلي ابنتي كلسي ,,,,الله يسمعنا خبار الخير
اكرم- سلام 
ايات- سلام لاباس
اكرم -انا لاباس واش مسافرة 
اشرف- سكتنى وشحال فيك دلاسئلة ,,,
ايات- الا مامسافراش انا غانكون بحال ختك منهنا لفوق الى بغيتي 
اكرم - يعني غاتسكني معانا
اشرف- واش بصح 
ايات- اه الى بغيتو
اكرم- انا اه بغيت ونتا ااشرف (عندو 6 سنوات)
اشرف- يكفي غير دوك شعكوكات لي عندنا فدار نزيدوها حتى هي (اشرف عندو 15 لعام)
فاطمة- مرحبا بيك ابنتي عمك براهيم عاودلي على ضروفك وبقيتي فيا كانتمنى تفاهمي مع لولاد
ايات- شكرا اخالتي الله يجعلها فميزان حسناتكوم
فاطمة- امييين هدا اشرف هو لكبير وعندي جوج بنات دابا يجيو وتعرفي عليهم وهاد لقريد لي حداك اكرم اكبر مشاغب غير صبري معاه
ايات- اكيد اخالتي راه انا ختو لكبيرة وغادي يحتارمني ياك ااكرم
اكرم - اممم مااانعرف
سي براهيم- ههههه الى سمعتها تشكاتلي منك راك عارفني منين كانشدك
اكرام- ههه ماتخافش 
داز داك نهار مزيان مع العاءلة الجديدة وجاو لبنات وتعرفو عليها عجباتهوم بزاف وتفاهمو
"بعد مرور بضع ايام"
اسماء-بغيت نكبر ونولي بحالك (فعمرها 8)
ايات- هههههه امممم مانبغيكش تولي بحالي نبغيك تولي حسن مني حيت انا ماشي انسانة كاملة كيف كايبانليك
جيهان- طريقة هضرتك كاتفكرني فواحد خالتي الله يرحمها كانت قدك فاش ماتت وكانت هضرتها معقلة بحالك ( فعمرها 14)
ايات- امم شكرا على المدح وكانتمنى نكون بحال خالتك ونموت حتى انا ههههه
جيهان- (تأثرة بكلامها) جيهان خرجي وسدي االباب
اسماء- لا حتى انا بغيت نسمعكوم شغاتكولو
جيهان- حنى غادي نقولو هضرة ديال لكبار
اسماء- وحتى انا كبيرة
جيهان- غادي تنوضي ولى نعاود لماما شنو درتي لبارك 
اسماء- اوووف صافي هانا نضت
ايات- علاش سبكتي عليها مسكينة
جيهان- كاتوصل لهضرة ديما فاضحاني مع ماما
ايات - اااه هههههه,,,
جيهان- كاتبانيلي حزينة ممكن تعاوديلي حسبيني صاحبتك
ايات- ابابتسامة,,, شحال فعمرك 
جيهان- انا 14 لعام
ايات- هههههه كاتباني كبر منى 
جيهان- ههههههه واياه وجاو في لخطاب وسبكت عليهم هههههه 
ايات- ههههههههه,,, عبرتي مازالة صغيرة
جيهان- ماتهربيش من سؤال علاش نتي حزينة
ايات- امممم ,,,منين نبدالك 
جيهان- شدتلها فيديها,,,انا غانسمعلك غير عاودي
ايات- انا فاش خلاقيت رماتني الام ليولداتني فواحد ضاية باش نموت وتتهنى مني 
حيهان- هااا,,,اووووه مسكينة كيف قدرت ديرها,,,احم سمحيلي كملي
ايات- ومن بعد ربي كتبلي عمر طويل ولقاوني واحد جوج رجال فوسط واحد الميكة وداوني لطبيب ومن بعد مابريت داوني للخيرية ,,,
جيهان- او من بعد تبناوك ياك
ايات- تماما,,,ياريت لو ماتبناونيش 
جيهان- علاش,,,
ايات- على الاقل كنت غادي نبقى مع اكتر شخص بغاني بصدق 
جيهان- شكون هوا 
ايات- ملاكي الحارس,,,
جيهان - مافهمتش
ايات- ههههههههههههههه وحتى انا 
جيهان- هههههههههه لاباس راكي كاضحكي واخا داز عليك هادشي كامل
ايات- انا كايبانلي مازال ماداز عليا والو هههههه,,, ديمة كانتفكر ماما لي رباتني وهي ليكاتنسيني فهاد شي ليوقاعلي مسكينة كانت كاتحلم نولي دكتورة باش نعالجها حيت كانت مريضة بسرطان وحتى انا كان هداك هوا طموحي ولاكم تجري الرياح في ما لا تشتهي السف

جيهان- غمضي عينيك وقوليلها شي حاجا محتاجة تقوليها 
ايات- اممممم(غمضت عينيها) ماما فاتو ايام وشهور ,,دكرياتك بقات فبال بركين يمكن دموع نساوك ملي نساتك العين لاكن القلب محروق وباقي عليك حزين وسمحلي الى بسبابي دكرك بشر لسان,,,هادي هي دنية وهادي سنة الحياة كلشي فينا يموت الى دكريات ,,,حيت الحاضر هو الماضي في المستقبل ,,,ماعمرني ننساك
جيهان- (عنقتها) الله يرحمها 
ايات- امييين ,,,ونتي عاوديلي على حياتك
جيهان- انا حياتي موملة غادي نعاودليك على مغامراتي 
ايات- واخا نسمعليك
جيهان-ﻛﻨﺖ ﻣﺼﺎﺣﺒﺔ ﻣﻊ ﻭﺍﺣﺪ ﺍﻟﻮﻟﺪ ﻭ ﻛﻨﺖ ﻛﺎﻧﺒﻐﻴﻪ ﺑﺰﺍﺍﺍﺍﺍﻑ، ﻭ ﻛﻨﺎ ﻋﺎﻳﺸﻴﻦ ﺍﻟﺤﺐ ﻭ ﺍﻟﺮﻭﻣﺎﻧﺴﻴﺔ ﻭ ﺩﺍﻛﺸﻲ ﺩﻳﺎﻝ ﻋﻴﻂ ﻟﻴﺎ ﺑﺎﻟﻠﻴﻞ ﻧﻌﻴﻂ ﻟﻴﻚ، ﻭ ﻗﻄﻊ ﺍﻧﺖ ﺍﻟﻠﻮﻝ ﻻ ﻗﻄﻌﻲ ﺍﻧﺘﻲ ﺍﻟﻠﻮﻟﺔ ... ﺍﻟﻤﻬﻢ ﻭﺍﺣﺪ ﺍﻟﻨﻬﺎﺭ ﺟﺎ ﻋﻨﺪﻱ ﻣﺤﻤﺪ ﻭ ﻗﺎﻝ ﻟﻴﺎ ﻏﺎﺩﻱ ﻧﺘﺰﻭﺝ ﺑﻮﺍﺣﺪ ﺑﻨﺖ ﺧﺎﻟﺘﻲ ﻭﻏﺎﺩﻱ ﻧﻤﺸﻲ ﻣﻌﺎﻫﺎ ﻟﻔﺮﻧﺴﺎ ...
ايات- اوووووه ولد لحرام
جيهان-ﺃﻧﺎ ﻣﺎﺗﻴﻘﺶ، ﻭ ﻛﺎﻧﻌﻴﻂ ﻟﻴﻪ ﺗﻴﻠﻴﻔﻮﻧﻮ ﻃﺎﻓﻲ ﻭ ﺣﻴﺪ ﺍﻟﻔﺎﻳﺴﺒﻮﻙ ... ﺣﺘﻰ ﻟﻮﺍﺣﺪ ﺍﻟﻨﻬﺎﺭ ﻣﺸﻴﺖ ﺣﺪﺍ ﺩﺍﺭﻫﻢ ﻭ ﺃﻧﺎ ﻧﻠﻘﻰ ﺍﻟﻌﺮﺱ ﺩﻳﺎﻟﻮ ... ﻭ ﻃﺎﻟﻘﻴﻦ ﺩﻳﻚ ﺍﻷﻏﻨﻴﺔ ﺩﻳﺎﻝ : " ﺍﻋﺬﺭﻳﻨﻲ ﻳﻮﻡ ﺯﻓﺎﻓﻚ ﻣﺎﻗﺪﺭﺗﺶ ﺍﻓﺮﺡ ﺯﻳﻬﻢ ﻣﺎ ﺧﻄﺮﺵ ﺍﺑﺪﺍ ﻳﻮﻡ ﻓﻲ ﺑﺎﻟﻲ ﺍﻧﻲ ﺍﺑﻘﻰ ﻭﺍﺣﺪ ﻣﻨﻬﻢ "... ﺻﺎﻓﻲ ﺗﺼﺪﻣﺖ ﻭ ﻣﺸﻴﺖ ﻟﻠﺪﺍﺭ ﻭ ﺩﺧﻠﺖ ﻟﻠﻄﻮﺍﻟﻴﻂ ﻭ ﺑﺪﻳﺖ ﻛﺎﻧﺸﻮﻑ ﻑ ﺍﻟﻤﺮﺍﻳﺔ ﻭ ﻛﺎﻧﺴﺐ ﻭ ﻛﺎﻧﻘﻮﻝ ﺗﻔﻮ ﺣﻨﺎ ﺍﻹﻧﺴﺎﻥ ﻣﺎﻣﺰﻳﺎﻧﻴﻨﺶ ... ﻛﻮﻥ ﻏﻴﺮ ﺗﻌﺎﺷﺮﺕ ﻣﻊ ﺍﻟﺤﻴﻮﺍﻧﺎﺕ ﻭﻻ ﺍﻟﻨﺒﺎﺗﺎﺕ ﻭﻻ ﺍﻟﺠﻨﻮﻥ ... ﻭﻫﻮ ﻳﺨﺮﺝ ﻟﻴﺎ ﻭﺍﺣﺪ ﺍﻟﺠﻦ ﺯﻭﻳﻴﻦ
ايات- اوييليييييي واش بصح
جيهان- بلاتي نكمليك ﻭ ﻗﺎﻝ ﻟﻴﺎ : ﺍﻧﺎ ﻏﺎﺩﻱ ﻧﺴﻴﻚ ﻓﻴﻪ، ﻧﺘﻲ ﺭﺍﻙ ﻛﺎﺗﻌﺠﺒﻨﻲ ﻣﻦ ﺷﺤﺎﻝ ﻫﺎﺩﻱ ﻭ ﺧﺼﻮﺻﺎ ﺻﻮﺗﻚ ﻣﻠﻲ ﻛﺎﺗﻐﻨﻲ ﺃﻡ ﻛﻠﺜﻮﻡ ﻑ ﺍﻟﻄﻮﺍﻟﻴﻂ ... ﺍﻧﺎ ﺗﺨﻠﻌﺖ ﻭ ﻓﺮﺣﺖ ﻓﻨﻔﺲ ﺍﻟﻮﻗﺖ، ﺍﻟﺤﺒﻴﺐ ﺩﻳﺎﻟﻲ ﻳﺎﻻﻩ ﺗﺰﻭﺝ ﻭ ﺩﻏﻴﺎ ﻟﻘﻴﺖ ﻭﺍﺣﺪ ﻛﺎﻳﺒﻐﻴﻨﻲ .. ﺻﺎﻓﻲ ﻣﺎﺑﻴﻨﺘﺶ ﻟﻴﻪ ﺍﻟﺨﻮﻑ ﺩﻳﺎﻟﻲ ﻭ ﻗﻠﺖ ﻟﻴﻪ ﻛﻴﻔﺎﺵ ﻧﺪﻳﺮﻭ ﻭ ﺍﻧﺎ ﺍﻧﺲ ﻭﻧﺘﺎ ﺟﻦ ... ﻗﺎﻝ ﻟﻴﺎ : ﺍﻧﺎ ﻧﻌﻴﺶ ﻣﻌﺎﻙ ﻑ ﺍﻟﻌﺎﻟﻢ ﺩﻳﺎﻟﻚ ﻭﻟﻜﻦ ﺑﺸﺮﻁ، ﻣﺎﺗﺒﻘﺎﻳﺶ ﺗﺪﻭﺷﻲ، ﻭ ﻣﺘﻤﺸﻄﻴﺶ ﺷﻌﺮﻙ ﻭﻣﺎ ﺗﺸﻮﻓﻲ ﺣﺘﻰ ﻓﺸﻲ ﻭﻟﺪ ﻭ ﻟﻜﻦ ﻏﻴﺮ ﺍﻧﺎ ﻟﻲ ﻏﺎﺩﻱ ﻧﺸﻮﻓﻚ ﻫﺎﻛﺎ، ﺍﻟﻨﺎﺱ ﻏﺎﺩﻱ ﻳﺸﻮﻓﻮﻙ ﻋﺎﺩﻳﺔ ... ﻗﻠﺖ ﻟﻴﻪ ﺻﺎﻓﻲ ﻭﺍﺧﺎ ... ﺻﺎﻓﻲ ﺗﺼﺎﺣﺒﻨﺎ،
ايات- لا لا لا ماتقوليهااااااش
جيهان- وابلاتي نكمل,,,ﻭ ﻋﻄﻴﺘﻮ ﺍﻟﻤﻮﺩﺑﺎﺱ ﺩﻳﺎﻝ ﻓﺎﻳﺴﺒﻮﻙ ﺩﻳﺎﻟﻲ ﻭ ﺣﻴﺪﺕ ﺍﻟﻤﻮﺩﺑﺎﺱ ﺩﻳﺎﻝ ﺍﻟﺒﻮﺭﻃﺎﺑﻞ ﻭ ﺳﻮﻟﺘﻮ ﻭﺍﺵ ﻋﻨﺪﻭ ﺷﻲ ﺧﻮﻩ ﻗﺒﻴﺢ، ﻗﺎﻝ ﻟﻴﺎ ﻋﻨﺪﻱ ﻭﻟﻜﻦ ﻣﺸﻰ ﻟﺮﻭﺳﻴﺎ ... ﺻﺎﻓﻲ ﺗﺼﺎﺣﺒﻨﺎ ﻭ ﺩﻳﺘﻮ ﻟﻤﻮﺭﻭﻛﻮ ﻣﻮﻝ ﻭ ﺗﺼﻮﺭﻧﺎ ﻭ ﺩﺭﻧﺎ ﺃﻭﻝ ﻗﺒﻠﺔ ﻭ ﺗﻌﻨﻴﻘﺔ ... ﺻﺎﻓﻲ ﺗﻄﻮﺭﺍﺕ ﺍﻟﻌﻼﻗﺔ ، ﻭ ﻫﻮ ﻳﻘﻮﻝ ﻟﻴﺎ ﻋﺰﻟﻲ ﻟﻤﻦ ﺑﻐﻴﺘﻴﻨﻲ ﻧﺘﺴﻴﻒ ﻟﻴﻚ ﻭ ﺃﻧﺎ ﻧﻘﻮﻝ ﻟﻴﻪ ﺗﺴﻴﻒ ﺑﺤﺎﻝ ﺗﺎﻣﺮ ﺣﺴﻨﻲ ﻭ ﻫﻮ ﻳﻮﻟﻲ ﺗﺎﻣﺮ ﺣﺴﻨﻲ ...
ايات- لا نتي مجنونة بلوراق تامر حسني
جيهان- ههههه ﺍﻧﺎ ﻓﺮﺣﺖ ﺍﻟﺤﻠﻢ ﺩﻳﺎﻟﻲ ﻏﺎﺩﻱ ﻳﺘﺤﻘﻖ ... ﺻﺎﻓﻲ ﻓﻘﻨﺎ ﺍﻟﺼﺒﺎﺡ ﻣﺸﻴﻨﺎ ﺩﺭﻧﺎ ﻻ ﻣﺎﺭﺵ ﻑ ﻋﻴﻦ ﺍﻟﺬﺋﺎﺏ ﻭﺟﻴﻨﺎ ﻟﻠﺪﺍﺭ ﻭ ﺑﻘﻴﻨﺎ ﺷﻲ ﺳﻴﻤﺎﻧﺔ ... ﺷﻮﻳﺔ ﺑﺪﺍ ﻛﺎﻳﻄﻠﻊ ﻟﻴﺎ ﻓﺮﺍﺳﻲ ﻭﻗﺮﺏ ﻋﻴﺪ ﺍﻟﺤﺐ ﻭ ﻣﺎﻋﻨﺪﻳﺶ ﺑﺎﺵ ﻧﺸﺮﻱ ﻟﻴﻪ ﺍﻟﻜﺎﺩﻭ ﻭ ﻭﻟﻴﺖ ﺑﺎﻏﺔ ﻏﻴﺮ ﻛﻴﻔﺎﺵ ﻧﺘﻔﻚ ﻣﻨﻮ ... ﻛﻨﺖ ﺗﻨﺪﻱ ﻣﻌﺎﻳﺎ ﻭﺍﺣﺪ ﺻﺎﺣﺒﺘﻲ ﻣﺘﺪﻳﻨﺔ ﻭ ﺣﺎﻓﻀﺔ 60 ﺣﺰﺏ، ﻛﺎﻥ ﻛﺎﻳﺨﺎﻑ ﻣﻨﻬﺎ ﻭ ﺃﻧﺎ ﻧﺪﻳﺮ ﻣﻌﺎﻫﺎ ﻭﺍﺣﺪ ﺍﻟﺨﻄﺔ ... ﻛﺎﻥ ﻧﻬﺎﺭ ﺍﻟﺴﺒﺖ ﻗﻠﺖ ﻟﻴﻪ ﻧﻤﺸﻴﻮ ﻟﻠﺴﻴﻨﻤﺎ " ﻣﻴﻐﺎﺭﺍﻣﺎ ..." ﻣﺶﻳﻨﺎ ﺩﺧﻠﻨﺎ، ﻭ ﺗﻔﺮﺟﻨﺎ .
ايات- جن كايتفرج فسينما هههههه
جيهان- ﺷﻮﻳﺔ ﻗﻠﺖ ﻟﻴﻪ ﻧﻤﺸﻲ ﻟﻠﻄﻮﺍﻟﻴﻂ ﻭ ﺃﻧﺎ ﻧﻌﻴﻂ ﻟﻬﺎﺩﻳﻚ ﺻﺎﺣﺒﺘﻲ ﺍﻟﻤﺘﺪﻳﻨﺔ ﻗﻠﺖ ﻟﻴﻪ ﻣﻦ ﻫﻨﺎ ﻧﺺ ﺳﺎﻋﺔ ﺁﺟﻲ ﻋﻨﺪﻱ ﻟﻤﻴﻐﺎﺭﺍﻣﺎ . ﺻﺎﻓﻲ ﺳﺎﻻ ﺍﻟﻔﻴﻠﻢ، ﺧﺮﺟﻨﺎ، ﻳﺎﻻﻩ ﻭﺻﻠﻨﺎ ﺣﺪﺍ ﺍﻟﺒﺎﺏ ﻭ ﻫﻲ ﺗﺒﺎﻥ ﻟﻴﻨﺎ ﺻﺎﺣﺒﺘﻨﺎ ﺟﺎﻳﺔ ﻭ ﻫﻮ ﻳﺘﺨﻠﻊ ﻭ ﻗﺎﻝ ﻟﻴﺎ ﻧﺎﺍﺍﺭﻱ ﻣﺎﺑﻐﻴﺘﻬﺎﺵ ﺗﺸﻮﻭﻓﻨﻲ، ﻭﺃﻧﺎ ﻧﻘﻮﻝ ﻟﻴﻪ ﺗﺤﻮﻝ ﻟﺴﺮﺍﻕ ﺍﻟﺰﻳﺖ ﻭ ﻫﻮ ﺗﺤﻮﻝ ﻟﻴﻪ ﻭ ﺃﻧﺎ ﻧﻌﻔﻂ ﻋﻠﻴﻪ ...ههههههههههههههههه
ايات- (حالة فمها ) اويلي قتلتي جن
جيهان-ااه ههههههههههه,,, ﺣﺘﻰ ﺍﻟﻤﺮﺓ ﺍﻟﺠﺎﻳﺔ ﻭﻧﻌﺎﻭﺩ ﻟﻴﻜﻢ ﺍﻟﻘﺼﺔ ﺩﻳﺎﻟﻲ ﻣﻊ ﺧﻮﻩ ﻟﻲ ﺟﺎ ﻟﻴﺎ ﻣﻦ ﺭﻭﺳﻴﺎ ﺑﺎﺵ ﻳﻨﺘﺎﻗﻢ ..هههههههههههههههه
ايات- ههههههههههههههههههههه كدابا يحسابني بصح هههههههههههه الله يعطيك ماتاكلي اخخخخ ماقديتش نوقف من ضحك ههههههههههه
جيهان- هههههههه ضحكتك ياك كل مرة نعاودليك حاجة باش نسيك فلماضي 
ايات-ابتسمة,,,, شكرا بزاف اختي,

مرو بضعة ايام والوضع مستقر وايات رجعت ليها الحياة مرة ثانة تحسنت فدراستها والامتحالانات قربو وهي وجيهان كايحفضو للامتحانات جيهان عندها الثالثة اعدادي وايات عندها الباك منين كايتحشاو فلبيت ماكايخرجوش 
ايات- هههههههههه نتي مسخوطة
جيهان-ههههههههههههههه
فاطمة-دخلت عليهم ,,,, تبارك الله على ليكايحفضو الى كنتو غاتبقاو ضحكو نوضو عاونوني فلكوزينة ومنها ضحكوني معاكوم
ايات- اهاه واخا اخالتي نعاونك علاش لا
جيهان-ولحفاضة
فاطمة - انوضي يالغشاشة منين كنتي كاضحكي مابانتليكش لحفاضة
ايات- شنو ندير اخالتيى فاش نعاونك ماما الله يرحمها علماتني كاع شغال دار وحتى طياب
فاطمة -تبارك الله عليك اجي طيبي نتي لوبية ونتي عجني 
جيهان- علاش ديمة انا كاتعطيني الحاجة صعيبة 
ايات- غير سيري نتي انا نطيب وندوز نعجن
جيهان- اويلي يا نحفضو بجوج يانشقاو بجوج هههه
ايات- ياك كانكوليك نتي مسخوطة
فاطمة - احم بنتي ايات بغيييت نقولك شي هضرة 
ايات- الله يسمعنا خبار الخير 
فاطمة- اشرف كايتشكالي منك بزاف وكايقولي كاتحكري عليه بزاف 
جيهان- ونتي كاتنيقي داك لمبوحط ديالك شي نهار غادي نقتلو كون شفتي شكايديرلها مسكينة وهي كاتصبر ليه
ايات- جيهان صافي
جيهان- مكاينش صافي انا كانقول غير الحق 
فاطمة- لموهيم مانبغيهش يتشكى منك مرة اخرى (خرجت من الكوزينة)
ايات- واخا اخالتي( بدات تبكي)
جيهان- اااخ هبيلة اترت فيك هاد لهضرة ,,,,
ايات- ام لا غير تفكرت لمتحانات وصافي
جيهان - امممم باينة واصافي ضحكي,,,,واضحكي
ايات صافي هانا ضحكت
جيهان- نعاودليك شي مغعامرة من مغامراتي 
ايات - هههههه لا الى مكانش فيها جنون 
جيهان- انعاودليك واحد نهار واح البنت كانت كاتقرا معايا في سابعة و جالسين فحصة ديال الطبيعيات في الباياصات ههههههههههه و الاستاد خرج و ناضت هيا لعند شي بنات كاتجمع معاهم المهم انا بقيت جالسة معا واحد الدري كان صديييييقنا و قلت ليه هادي دابا لي مشات شنو ندير فيها قالي ستني نجيبها من شعرها ههههههههههههههههه
المهم ناض وقف وراها هيا ما شافتوش وانا نعيط ليها قلت لها سميرة شدي هيا حسابلها رميت لها شي حاجة ههههههههه و اللاوعي ديالها مدت يديها و جمعتها قبل ما تدور تشوف شنو و ما غيييييييير يدها جات ف ز* داك الدري ههههههههههههههههه شبراتو مزيااااااااان كاتبان لي صفااااااااااااااارت و هوا شد لها يدها و جرها و قالها زيدي تجلسي و عمرنا ما جبدنا ديك الهدرة معاه و حتا هو عمل فحال يلا ما وقع والو و هيا بقات عليا عرفتي عامل فحال يلا جمعتي 10 دالستيلويات ههههههههههههه و قد هاكدا و. و. و هههههههههههههههههههههههههههههههه
ايات-ههههههههههههههههههههههه وسخوطا مسخوطااااااا نتي ههههههههههه اااه حناكي كايحرقوني بضحك بلاتي نعاودليك حتى انا نههه انا واحد المره جات عندنا واحد البنت ضيفة واحتاجت للبيسي ايوا اعطيتوليها والبنات مشات هدرات مع شي حد وصيفطليها شي فيديويات نتاع xxx ايوا لغد ليه كالسه انا والواليد تخيلو الواااااااليد كنهدرو مع واحد بنت عمي وهي تصيفطلينا شي فيديويات ديال واحد العرس وفاش كيتصيفطو كيدخلوا لواحد الدوسي ايوا فاش حليتو وبركت على الفيديو ناااااااااااري يا لطيف فشلت وهو مرك وتلفت مالقيت ماندير وانا نطفيه ههههههههههه ومشا قال للواليده راه بنتك عندها المسخ فداك البيسي من تما حلفت عمر البيسي نعطيه لشي وحده واخا تكون مي

جيهان- ههههههههههه متعاويداااااا دايماااان ههههههههههههه
ايات- والله ماتقتيش ماشي انا ليدخلت لفيديوهات 
جيهان- ااااااه خخخخخخخخخخ تيقتك
ايات- نيتك ناقصة هههههههه
جيهان -انا ولا نتي هههه,,,عقلتي على كوكو gogo
ايات-شكون هوا هاد كوكو gogo
جيهان - انا غانغنيلك ونتي عقلي
ايات- اوكي
جيهان- تيرا تيرا تريا,,,رايت الحقيقة خلف البصر,,, رسمت الحروف بعمق الحجر انرت طريق ووجدت اليقين ,,,رفعت الجباه والهمم ,,,ازلت الغابار عن وجه الحنين ايقضت الرئ ودممة...دراغون بول توتو توتورورو دراغون بول توتوتوتوتورورورو
ايات- ااااه هههههه عرفتو كونت كانجي من المدرسة كانجري كانلقى ماما موجدالي كاسكروط كانلوح شانطة وندخل نشدق ونتفرج
جيهان-ههههه واياااه 
ايات- انا عندي اغنية وحداخرة عزيزة عليا ديال ابطال دجتل عرفتيها عندي معاها دكريات 
جيهان- اه عرفتها ,,,, لا تبكي يا صغيري لا انضر نحو السماء من قلبك الحريري لا لاتقطع الرجاء
ايات- ان الامل جهد عمل والجهد لا يضيع الامل جهدن عمل ,,,,ههههههه غير كانسمعها كانتفكر دكريات الطفولة 
جيهان- هههههه وكونان حتى هوا هداك لقزام ويلي كونت كانحمااااق عليه بداك لبابيون باش كايبدل صوت كونت معجبة بيه ههههه
ايات- ههههههه ما كاينش شي بنت صابرة على حبيبها فحال "ران" كاتسنى في كونان يرجع سينشي من 1996 الى 2016 ..ههههههههههههه
جيهان- ههههههههههههههههههه اول مرة غاتكولي شي حاجة كادحك
ايات- ياك ههههههههههه الحمد لله بعدا مانكونش بحالك نشيطية مع راسك
جيهان- حنى لبنات خطاااار والله ﺑﺈﺳﻢ ﺍﻟﻠﻪ ﻣﺎ ﺷﺎﺀ ﺍﻟﻠﻪ علينا ﻫﻬﻬﻬﻬﻬﻪ ﻛﺎنﻬﺪﺭﻭ ﻛﺎﻣﻠﻴﻦ 
ﻭ نﻀﺤﻜﻮ ﻛﺎﻣﻠﻴﻦ ﻭ نﻐﻮﺗﻮ ﻛﺎﻣﻠﻴﻦ ﻭ نﻔﻬﻤﻮ ﻛﺎﻣﻠﻴﻦ .. !!ﻟﺪﺭﺟﺔ ﺃﻥ ﺍﺑﻠﻴﺲ ﻛﺎﻳﺪﻭﺥ ﻣﺎﻛﺎﻳﻌﺮﻑ ﻟﺸﻜﻮﻥ ﻳﻮﺳﻮﺱ ﻭ ﺷﻜﻮﻥ ﻳﺨﻠﻲﻟﻜﻦ ﻓﻐﺎﻟﺐ ﺍﻷﺣﻴﺎﻥ ﻛﺎﻳﺠﻠﺲ ﻏﻴﺮ ﻳﺴﺘﺎﻓﺬ ﻭ ﻳﻤﺸﻲ
ايات - ههههههه كايناااااااااااااااا
طاح الحك وصاب غطاه هاد جوج بنات كايقتلوني بضحك بالخصوص جيهان لعفريتة واخا مازالة صغيرة قافزة ومطورة ماشاء الله كاتبان كلر من سنها لا فلعقل ولا فالجسم عكس ايات لي مهدنة وقلبها طيب ودريويشة ولاكن لي يكلس حدى جيهان غير يقطع لوراق هههههه مستشفى المجانين
شوفي عطاوني انشاء استاد ديال العربية على اليتيم وغادي يدخلو لينا فالفرض ماعرفت مانكتب فيه
ايات- صافي سالينا يالاه ندخلو لبيت ونكتبو ليك 
جيهان- واش بصاااااح غادي تكتبيه ليا شكرا بزاااااف اختي
ايات - من بعد ما دخلو للغرفة,,,, اري ورقة
جيهان- هاكي غادي نمشي نجيب واحد لكتاب من عند صاحبتي ونرجع ماغانتعطلش
ايات- واخا سيري
مشات جيهان وكلست ايات ماتكتب انشاء اليتيم ابدعت فيه لانها حكات على واقعها الحالي 
اشرف- شكاديري 
ايات- كانكتب
اشرف- كاتكتبي رسالة لصاحبك
ايات- كون تحشم وحتارمني راني كبر منك
اشرف اممم واخا اري نشوف ,,,,
ايات- كولتليك سير تلعب 
اشرف -مابغيتيش(خطف ليها الورقة وهرب)
هرب وهي تابعاه حتى زلق وطاح تهرس
اشرف- اااااااااااااااااه اااااي رجلييي
فاطمة- ولدي ولدي حبيبي اش درتي ليه
ايات- مصدومة (والله ما انا اخالتي راه طاح بوحدو)
اشرف- هي ليدفعتني
فاطمة - بصراخ,,,,,اجي هزي معايا واري شي شال نربطليه رجلو
ايات,,,واخا ,,,والله ما انا اخالتي
فاطمة- شوفي هدا اخر تحدير عندي تزيدي غلطة غادي نجري عليك من دار وداكساع شوفي فين تمشي
ماقدرتش تتحمل دوك الكلمات الجارحة ولاكن سرطاتهوم حيت ماعندها علامن تحط راس داز داك نهار مشحون ونضرات فاطمة كادخل لقلبها بحال سيف ومكاين غير جيهان لي مرا مرا كاتلطف الجو بنكتها البايخة,

08:13 | 0 التعليقات | قراءة المزيد

رواية اللقيطة فصل 2

رواية اللقيطة فصل 2



بعد مرور 12 سنة"

ايات- صبح الخير ماماتي لحبيبا كيصبحتى شويا دابا مزال كاتحسي بلحريق 

امنة - (حطة يديها على خد ايات) انا ابنتي انا لاباس ماتخافيش عليا ازمة وغاتفوت انشاء الله 

ايات- انشاء الله اماما انا غاديا دابا لمدرسة خليتك على خير

اجي دابا نوصف ليكوم ايات,,,ماشاء الله تربات على حسن الاخلاق وطيبيوبة وامها امينة كانت حريصة انها تربيها تربية حسنة كبرات ايات وتبارك الله ولات عزبة ماطويلة ماقصيرة رشاقة جسمها وطول شعرها الاسود الحريري زايدينها جمال على جمال بشرتها بيضاء وعيونها فلون سواد الليل وشفايفها لرقاق كايخليها محضى الانضار فين مامشات ,,وايات عندها دابا 17 لعام كاتقرا فلباك ومتفوقة فدرستها عاشت حيات كريمة للغاية ليطلباتها كاتحضر فرمشت عين ومكاتلبس غير لماركات عايشا حياة ليكاتمناها اي بنت ,,,مع الاسف هاد سنو غاتكون اكفس سنة فحياتها وياربي تجيرنا من المصائب,,,اللهم لا سهل الى ما جعلته سهلا ,,,وانت تجعل الحزن اذا شئت سهلا,,,رجعت ايات لدار لقات مماها مليوحة في الارض

ايات - ماما ,,,ماما واش نتي بيخير ,,و(عيطت لباباها يجي)

هزوها وداوها لطبيب ومانت حالتها خطيرة طريق كاملة وايات كاتبكي وخايها على مماها 

دكتور - مع الاسف اسي حسن ,,,لالة امينة مابقالها الى ايام معدودة فدنيا حاولو توفرولها راحة الازمة قبل مايدي مول الامانة امنو

حيسن- بحزن شكرا ادكتور ...كشا دكتور ودار لقا ايات موراه معينيها عامرين دموع ,,,, بنتي يكون خير انشاء الله

ايات- ماما غاتموت ابابا هئ هئ هئ ,,,لا مايمكنش 

حسن- (عنقها وكايبكي) ,,(شدلها فيدها وشافلها فعينها),,, قيل لاحد العباد ما هو الصبر الجميل,,قال ان تبتلى وقلبك يقول الحمد لله ,,, (مسحلها دموعها) ماعندنا مانديرو ابنتي من غير دعاء دعي معاها ربي يصبرها ويشافها

ايات-هئ هئ ,,مانقدرش نعيش بلا ماما هئ هئ ,

مرت ايام وحالة امينة مسكينة كل نهار كاتسوء للاسوء ,,, 

حسن- واش نتي متئكدا من هادشي ليغاديري 

امينة- امممم ,,,اه مانقدرش نموت وندفن معايا هاد السر

حسن- نتي تعرفي احياتي 

امينة- (دقان فلباب) دخلي ابنتي

ايات- ماما ,,,,رتايتي شويا 

امينة- غير كانشوف وجهك كانرتاح 

ايات- الله يخليك ليا اماما 

امينة- ((شدتلها فيديها) بنتي بغيتك تسمعيني مزيان انا مابقاليش بزاف معاكوم ونتي كنتي هي ضوء عينيا ,,انا ابنتي كانبغيك بزاف وبغيت نصارحك قبل مانموت ,,,بانني ماشي امك الحقيقية وتمنين لو انني ولدتك وكنتي من صلبي ولاكن الام ماشي هي ليكاتولد الام في ليكاتربي واش فهمتيني ابنتي

ايات - (بحزن) ماتفاجئتش من هضرتك اماما,,,,, انا مازال عاقلة على نهار ليجبتيني من الميتم

امينة- (تفاجئة) واش بصح ,,,,,يعني نتي كنتي عارفا الحقيقة وكاتماها فقلبك

ايات- (ابتسمت) فالاول صدقة انكي ماما الحقيقية ,,,ولاكن فاش كبرت وبديت نعرف كتشفت انه مكانتشابهوش وديك لهضرة ديال كنتي مسافرة وعاد جيتي تديني كانت غير كدبة كنت مصدقاها وانا كانكبر وانا كانكتاشف اشياء كادل على انني غير متبنية حيت مكاينش شي ام غادي تحطكبدتها فلخيرية فاش غاتكون مسافرة ومن بعد ترجع وتديها 

امينة- (ودموع فعينيها)وعلاش ماقليليش هاد الهضرة من قبل

ايات مابغيتش نجرحك ,,, ونتي كنتي ليا احسن ام فدنيا اش بغيت كتر الى كانت الام ليولداتني لاحتني وماسولاتش فيا لا وحاولت تقتلني فاش لاحتنى وسط الماء للمجهول

اميينة-(شدتلها فيديها) منين عرفتي هاد الهضرة كاملة....

ايات- مشيت للخيرية ليتبنات جديدة ولقيت تما نفس المديرة غير شافتني عرفتني وهي ليحكاتلي كيفاش لقاوني

امينة- ماتحكميش علي ماماك ابنتي ماعرفتي ضروفها وماعرفتي ماتكونش هي ليرماتك او شي حد خطفك وبغى ينتاقم منها عن طريقك

ايات- مهما يكن ,,,كن كانت هضرتك صحيحة كون راها ضورت عليا لموهيم خلينا من هاد الموضوع المهم دابا هوا صحتك اماما ...

امينة- لهلا يخطيك عليا ابنتي ونوصيك تكوني قوية حيت هاد العالم غابة والقوي كياكل الضعيف ,,,,,,دازو ايام طايرا على ايات حتى غايتفاجئو بموت امينة في الصباح كانت صدمة بنسبة لايات لانها ماتوقعاتش غادي تموت بهاد سرعة ,,,يا رب ارحم موتانا وغفر لهم وسائر موتى المسلمين

فاقت ايات فصباح واول مكادير قبل ماتمشي لقرايتها كادخل عند ماماها طمن عليها عاد تمشي 

ايات- ماما,,,ماما ,,,فيقي,,,ماما ,,,(حطت يدها على عنق امينة) قلبها مكاينبضش ,,,ماما ماتخلينيش بوحدي عافاك ,,,اشنو غاندير فهاد دنيا بلا بيك اماماااااا هئ هئ هئ مامااااااا

هادي كانت اول صدمة فحيات ايات ,,,والاتي اعضم ...لا شيء أصعب من فقدان عزيز لنا، ولا يوجد كلمات تعبر عما في داخلنا، ولا يسعنا سوى أن نرضى بقضاء الله وقدره فالموت علينا حق لا مفر منه،

يوم الجنازة كلشي كايعزي العائلة وكايسولو على ايات فين هي مسكينة ماتحملتش الصدمة انها ولات يتيمة ,,,من لقب لقيطة الى لقب يتيمة ,, دازت الجنازت على اكمل وجه داروليها تلتيام ديالها ,,ودار خوات عليها وبقات غير هي بوحدها فدار دخلت لبت ديال امها وجبدت قطعة من ملابسها

ايات- ( عنقت قطعة الملابس وغمضت عينايها),,,والى حليت عيني ولقيتك قدامي ,,,(حلات عينيها ودعات معاها) ربي لا تحرم امي الجنة فهي لم تحرمني من شئ (سمعت صوت برا شي حد كايهضر بغات تحل لباب وهي تسمع)

حسن- الوليدة واش ماعندكش شي موضوع اخر...

الحاجة- الله يهديك دير بهضرتي ولو غير مرا فحياتك,,,ديما مكاتسمعش كلامي وفلخر كاتندم ياك شحال وانا نقوليك ماتزوجش بمينة ومامشيتي حتى درتي ليفدماغك هانتا حتى وليد طرف منك يترحم عليك فاش تموت ماعندكش

حسن- الوليدة حشومة عليك تقولي هاد الهضرة على امينة ماتنسايش خيرها ودكرو موتاكم بالخير وانا عندي بنتي ايات معمرالي عيني

الحاجة- بصراخ,,,,زدتي فيه هاد المرة الى ماديتيش بهضرتي انا ساخطة عليك دنية واخرة 

حسن- حشومة عليك الوليدة خليها بعدا غير تكمل ربعين يوم تحت تراب عاد نتزوج وختاري نتي لمرا ليبغيتي

الحاجة - الحي اولى من الميت صافي ماتت والله يرحمها انا درت مع ناس سيمانة جايا غانمشيو عندهوم

حسن- وايات مسكسنة مازال متئترة من موت مها

الحاجة- مهااا اشمن مها انا كننت مستحملاها غير على قبل امينة وراها ماتت وزايدون انا ماقلتلكش جري عليها تزوج وهاهيا ساكنة معاك 

حسن- يكون خير الوليدة ,,, 

وشحال صعيب تسمع كلام جارح بحال هدا كايتقال عليك وعلى شخص عزيز عليك اش غادير ماعندك مادير سوا تستنا الايام الجاية وتشوف شنو جايبة معاها واش افراح ولا احزان ,,,خرجت ايات من الغرفة

حسن- بنتي مامشيتيش لمدرسة

ايات - لا ماقريتش ليوم

الحاجة- بنتي ايات كيبقيتي مع صدمة ,,,

ايات - الحمد لله اجدة

الحاجة- خليتكم على خير بسلامة 

حسن- بنتي مال وجهك كاتبانيلي ماشي هي هديك 

ايات- لا انا مزيانة 

حسن- واش سمعتي لهضرة ليدارت بيني وبين الواليدة

ايات- هم 

حسن- شد ليها فيدها ,,, ماتقلقيش انا ماغانسمحش فيك واخا نتزوج ماعمرني نسى مماك هي ليفنات عمرها معايا,,,اوو

ايات- بلا ماتكمل نتا حر فحياتك دير ليبغيتي ولاكن على الاقل خلي غير تكمل ربعين 

حسن- اه عندك الحق دابا غادي غير نخطبو ومنين تفوت ربعين ندير لعرس

بغيت غير نفهم علاش رجال مكايصبروش مور موت روجاتهم شحال من واحد كانعرفو غير كاتكمل مرتو ربعين بيوماين كايدير لعرس ومكايديرش بحساب العشرة وخا يكون عندو معاها لولادة اكيد غايدير سبة بيهم احقى خص لمرا ليتربيلي لولاد ,, واخيبتاه ,,,عكس لمرا الى ماتلها راجل تكلس عمرها كامال تفنيه فتربية اولادها تخدم فدار وبرا وتعوض ولادها كاتولي ليهم الام والاب حتى يكبرو ,,,طبعا ماشي كلشي ,,,من حق اي واحد يتزوج ويكمل نصفو الثاني ولاكن على الاقل يخلي مدة صغيرة ويدير بثمن العشرة ليكانت بيناتهم ,,,وكل واحد ورئيو لموهيم انا كانكره بحال هاد نوع ديال رجال خاصهوم غير فوقاش يتهناو من لمرا اوووف عصبني هاد حسن ,,,

دازت لخطوبة سي حسن عندو 50 عام وخطب بنت عندها 18 لعام (تناقض,,,) كملت ربعين يوم وسيمانة تحط لعلام فسطح ديال دار وتحطو لخزاين وتدبحو دبايح و وجابو شيخات الجوق نكافات شطيح ورديح وسي حسن فوق لعمارية كايفرنس فرحان ماقاداه دنيا طبيعي ماشي راه رجع شباب,, ليلقى راحتو في الهبال ماعندو مايدير بالعقل ,,, اما ايات كالسا فتاااالي وكاتشوف فهاد الناس لمنافقة كلشي كايشطح عاد لبارح كانو كايعزيو ولبكا ونواح وليوم لمخيرة فيهم محزمة وطالعة فوق لقعدة ومكاين غير ربعلاف كاتشير على شيخات لحيحة ونشاط كلشي فرحان الا هي 

قالو ناس زمان_حرنا فلي حبونا اما اللى كرهونا دارو فينا خير

عيات من نضرات ناس ليها وطبيعي كاع ليفلعرس كايهضرو فحسن كيفاش وكايضحو عليه حيت حتى شب عاد علقولو لحجاب,, لموهم ناضت وطلعت لبيتها س دت عليها الباب وكلست كاتبكي واش على مها ولا على راسها ولى على الماضي ,,,ناضت حلت باب الماريو وجبدت دميتها "لالي"

ايات- لالي شفتي شنو دار بابا شفتي ,,, كان هوا لقدوة فحياتي ولاكن بهاد لعملة واش غادي يبقى كيف كان واش ماغايتبدلش عليا فنضرك ,,,توحشتك بزاف الالي وتوحشت دوك الايام,,,ماقلتلكش لبارح شفت ارسلان فلحلم وقالي قريب يجي يشوفني,,, شفتي كايضحك عليا هادي 12 لعام وانا كانتسناه يجي ولاكن هوا يعلم الله فين راه دابا واشنو كايدير واش عايش حيات زوينة ولا مازال كايعاني فصمت بحالي ,,,توحشتو بزاف الالي (كاتغني ودموع فعينيها) لا تبكي يا صغيري لا انضر نحوا سماء ,,,من قلبك الحريري لا لا تقطع الرجاء,,,ان الامل جهد عمل والجهد لا يضيع الامل جهد عمل

ارسلان,,(واقف فلبالكون وكايشوف فنجوم وكايغني) ,,,لا تبكي يا صغيري لا انضر نحو السماء,,,,من قلبك الحريري لا لا تقطع الرجاء,,,ان الامل جهد عمل والجهد لا يضيع,,,الامل جهد عمل ,,,الوان طيف طاهرة خوفا وحبا ناشرة,,من ايييين من ايييين

من قطرات المااااااء,,,تعاونت قطرات في قلبها نبض ملئ بالحياة تماسكت تعاونت كن مثلهااا,,,جهد,,,امل ,,,الوان ,,, حياااااااة (اغنية ,,لا تبكي يا صغيري)

شخص- سيدي سمحلي زعجتك لعشى واجد

ارسلان- (دارليه اشارة بيديه يعني خرج وشاد صورة فيديه وكايشوف فيها) توحشتك بزاف ايات

فبالي وخيالي على عيني راك بعيد حبيبي ياغالي ارحمني لا لاتزيد,,,شحال من واحد مشتاق لشخص قريب او بعيد او تحت تراب ولاكن الضروف خلات كل واحد فمكان بعيد ولاكن فنفس الوقت فلبال قريب 

بعد مرور كام شهر لعروسة حملات ولات كاتغير من ايات طبيعي بما انهم فنفس السن ولات لعروسة او مرت الاب كاتعاملها بحال شي خدامة ,,,لا انا حاملة مانقدرش نخمل ,,,لا انا حاملة مانقدرش نطيب ,,,لا انا حاملة اووف ريتك كاطلعلي لقلب ,,ولاكن المسكينة صابرة هازا شقا دار و تراجعت بزاف فقرايتها ولات كاتغيب بسبب تصبين او طياب او صخرا ,,, 

الزوجة- اهئ اهئ اهئ 

حسن- مالك يهاد لمرى علاش كاتبكي

الزوجة- اهئ اهئئئئئ شوف غاتشد عليا ديك لمقطعة ديال بنتك ولا غاندير فيها شغال يدي

حسن- شنو دارتلك عاود

الزوجة- مكاتحتارمنيش وفاش كانقولها دير شي شغال كاتبدى تغوت عليا وليوم دارتلي صابون فالارض بلعاني باش نطيح ويموت ولدنا مسكين

حسن- ايات دارت هادشي لا مستحيل

الزوجة- ماتيقتينيش هئ هئ شوف يا اما انا يا هيا فهاد دار ونتا ختار ولدك من صلبك ولا بنت لحرام ماعرف منين اصلها

حسن- لا حولة ولا قوة الا بالله وفين غانديها نتي عارفاها يتيما وماعندها لاحد

الزوجة-ماسوقيش ,,,رجعها لبلاصة ليجبتيها منها

حسن- واصافي مايكون غير خاطرك الغزالة

الزوجة- واش بصح غادي تخرجها من دار احبيبي حسن

حسن - عيييووون حسن ندير ليبغيتي الغزالة غير ماتقلقيش ليا امت ولادي

"في الصباح"

حسن- صباح الخير ابنتي

ايات- صبح لخير بابا شحال ماجيتي تفيقني

حسن- احم احم ,,,اااه نعستي مزيان

ايات -مزيان الحمد لله

حسن-اممم بغيتك فواحد الموضوع ابنتي

ايات- الله يسمعنى خبار الخير 

حسن- كيما كاتعرفي نتي اسية مكاتفاهموش وديما منوضين المشاكيل 

ايات-بابا راك عاا,,,

حسن- خليني نكمل ,, اسية مابغاتكش تكلسي فداك وهدداتني يا اما نتي ولا هي 

ايات- وشنو ختاريتي

حسن- كيما كاتعرفي اسية حاملة وانا مانقدرش نخليها تكرفس

ايات- وانا ماشي مشكل نتكرفس ياك 

حسن- لا حاشا واش غاتكرفسي هانتي ,,غادي نرجعك للخيرية وغادي نبقى نعطيك 500 درهم كل شهر غاتعيشي تما وتكملي قرايتك

ايات-( كاتبكي ) واش بغيتي تتخلى عليا ابابا حرام عليك وانا شنو دنبي شنو درتلها علاش باغيا تعدبني

حسن- حتى انا مابيدي حيلة شدتني من اليد ليكاتوجعني وانا مانقدرش نفرط فولدي من صلبي كانضن راك فهمتيني

ايات- فهمتك فهمتك مزيان نتا اصلان منتي مستحملني غير على قبل ماما ومنين ماتت مابقا عندك مادير بيا فهمتك مزيااااان (خلاتو وخرجات كاتجري)

شي مرات كنتلقاو شي كلمات من عند للي كنعتبروهوم أقرب الناس لينا كتدخل لقلبنا بحال شي موس ممكن حيت كنا كنضنو بلي مكانتنا كبيرة عندهوم وكنا كنتوقعوا منهوم الأحسن وكي حسوا كيما كنحسوا حنا جيهتهوم ولكن كنساو بلي القلوب مكتشابهش وكل واحد لاش كيميل وشنو كيبغي . كنوليو مذهولين ومكنقدرو نقولو والو من داكشي للي كيضور فخاطرنا وأفضل رد فعل هو السكات. ومعزتهم كتخلينا نصرطو داك الكلام ولا الأفعال للي صدرات منهوم ونبينو بلي ما وقع والو باش نخليو العلاقة مستقرة وعلى طبيعتها . 

خاصنا نراقبو أفعالنا وكلامنا مزيان مع الناس للي متأكدين منهوم دايرينا فمكانة كبيرة بالأخص حيث إقدر اكون الجرح أعمق من عندنا كثر من ديال العدو .,,,

خرجت مسكينة ودموع فعينيها وقفت فلباب كاتشوف دنية كاضور بيها وهادي ثاني مرة غادي يتخلاو عليها وسؤال ليكايضور فدهنها "علاش انا علاش ,,وواش انا واش انا لعنة من السماء نزلت عليهم الاول مرة ترميت للمجهول وثاني مرة غادي نترمة للمجهول ايضا واش انا مانستاحقش نعيش مرتاحة بحال اي بنت فسنى علاش ياربي علاش" وقفة فلباب كاتسنى باباها يتبعها يقلب عليها ولاكن هاد المرة تخلى عليها بصح مازالة واقفة وكاتبكي بهستيريا حتى شافها

سي براهيم- مالك ابنتي واش وقعت شي حاجا

ايات -عمي براهيم هئ هئ ماتصورش شنو واقعلييي هئهئ 

سي براهيم- تهدني ابنتي تهدني وحكيلي يمكن نعاونك

ايات- بابا تخلى عليا وجرى عليا من دار

سي براهيم- لا هادي ماشي خصايل سي حسن كيفاش يجري على بنتو

ايات- هئ هئ اصلا انا ماشي بنتو جابني غير من الخيرية ودابا باغي يرجعني ليها

سي براهيم- لا حول ولا قوة الى بالله ,,,فهمت ,,ودابا واش عندك عندمن تمشي

ايات- كون كان عندي شي حد مكانتيش غاتشوفني فهاد الحالة 

سي براهيم- كيما كاتشوفي ابنتي,,انا خدام غير خياط ومدخولي فنهار قليل بحرا قادر نعيش ولادي والى بغيتي تقدري تمشي معايا لدار نديرك منك من ولادي غير هي الحياة لينتي عايشاها مختلفة على حياتنا حنى ناس غير على قدنا ليجابو نهار يديه ليل ونتي ولفتي تعيشي حيات رفاهية ,,,الى كنت قادرة تتئقلمي مع عيشتنا مرحبا بيك والف مرحبة ونتي راكي وحدة من بناتي 

ايات-,,(كاتبوسليه فيديه,,) الله يرحمليك الوالدين اعمي براهيم انا مستاعدا نعيش غير بلخبز واتاي لموهيم ننعس تحت صقف دافئ او فوسط اسرة واهم حاجة عندي نكمل قرايتي بحال كاع لبنات 

سي براهيم-(بابتسامة) يالله ابنتي مسحي دموعك طلعي جمعي حوايجك وكتوباتك وانا غادي نهضر مع سي حسن نشوف علاش كايدير هاكا

ايات- واخا اعمي الله يكتر خيرك ولاكن كانطلبك ماتهضرش معاه خليه منو لضميرو وربي كبير وادرى بعبادو

سي براهيم-واخا ليبغيتي

لا تحزن على شخص تغيرة تصرفاته اتجاهك "فجأة" فقد يكون اعتزل التمثيل

لموهيم طلعت لدار جمعت حوايجها اما نضرات ديال زوجة الاب الحقودة 

حسن-صافي ابنتي بهاد السرعة كاتحسسيني انني مامزيانش 

ايات- فعلان راك مامزيانش لي يرمي بنت لشارع فنضرك هدا شخص مزيان

حسن - ولاكن انا مالحتكش لشارع غانديك للخيرية

ايات- هي هي انا قربت نكمل 18 ومكاملاش عام غادي يلوحوني حتى هوما كيما درتيلي نتا 

اسية- ايوا صافي زدتي فيه باركة من طبهلين 12لعام وهوا مربيك وداير فيك لخير ليمالقيتيهش فواليديك الى لاحوك لخلة هادوك هوما ليخاصك تمشي تئنبيهم ماشي هوا ,,,اما هوا راه دار لي عليه ونتي فبلاصت ماتشكريه كاتئنبيه 

حسن- صافي سكتي نتي

ايات- الله يكتر خيرك مانساش لخير ليدرتيه فيا وحتى نتي الالة اسية مانساش خيرك 

اسية- اشمن خير

ايات- اشمن خير ,,,هاهوا كاتشوفي فيه خليتيني نعرف بعض المنافقين ليفحياتي 

حسن- حشومة عليك ابنتي هي انا منافق

اسية-هاد ليكاتمعني عليه راه سيدك ابنت زنة

ايات-شربنا من البير مللي كان فيه الماء زين ,,,اما ملي كترو فيه ليدين خليناه غير لغسيل رجلين 


اضغط هنا للانتقال الى فصل 3

06:34 | 0 التعليقات | قراءة المزيد

رواية اللقيطة فصل 1

رواية اللقيطة فصل 1

من هو اليتيم ؟

 هل هو الذي فقد أباه فقط ؟ 

وماذا عن اللقيط ومجهول النسب 

 ألا يدخل هذان في مسمى اليتيم ؟.

لماذا كرر القرآن لفظ اليتيم ومشتقاتها أكثر من عشرين مرة ؟ 

.

كيف قدم الإسلام اليتامى ومجهولي النسب إلى المجتمع ؟ هل 

قدمهم على أنهم ضحايا القدر وبقايا المجتمع ، أم على أنهم فئة

 من صميم أبنائه ؟ .

من الذي جلب الإهمال والإذلال لليتيم ، هل هو اليتم نفسه

 أم ظلم المجتمع الفاسد له ؟

في احد الايام فيوم مطير البرد وشتا وضلام كلشي مخشي 

فدارو كلشي ناعس وكل واحد ساند افراحو واحزانو وكاين لي 

مكايدوقش حلاوة النوم بسبب المرض او الحب او الدموع او 

تئنيب الضمير ,,,,,ايها الحامل هما ان الهم لا يدوم ,,,,مثلما 

تفني السعادة هكدا تفني الهموم ,,,,عاند الدنيا وابتسم فان 

بعد الليل فجرا يرتسم

فهاد الاثناء شخص مخشي تحت واحد دار مضرق من 

غزار المطر وصراخ طفل برئ يطلب النجدة ولاكن ما من

 مجيب صوت الرياح العاصفية غلبت صوتو لرقيق

الشخص= شووووو سكتي سكتي غادي تفرشينا اووووف 

مالقات قوقتاش طيح هاد الشتاء 

واش انت انسان او حيوان كيف قدرتي تخرج طفل فعمرو 

اربعين يوم فهاد الجو الله ياخد فيك الحق

الشخص=هااااكاك نبغيت سكتي باش نكون معاك مزيان كونت 

باغي نحطك فشي ميتم ولاكن خفت لاتكبري وتجي تقلبي على

 اصلك ,,,وهممم اش غاندير فيك دابا نلوحك هنا ,,,لا لا لا اكيد

 غايلقاها شي حد ويربيها ,,,(ابتسم بخبت ) هههه لقيتلك الحل 

,,,هاااا وحتى شتا فترات يعني غاتموتي غير بشوبة عليك

ناض هداك الشخص توجه لواحد الضاية كبيرة جنب بعض

 ضيور العشوائية هاد ضاية كانت كبيرة وجنب منها نابت ف

يه لقصب فيها جميع انواع الحشرات وحتى بعض الاسماك

 الصعيرة بكل حقارة هزها ولاحها فوسط ضابا وخلاها تواجه 

مصيرها طفلة فعمرها اربعين يوم فليل فوسط ضاية تخيلو معايا

 قسوت هاد المشهد تحت صرخات الرضيعة مابيديها حيلة الله

 ياخد الحق فلي كان سبب

الشخص= اش غاندير الى ماماتتش ,,,وانا مالي ,,,

اصلا مستحيل تبقى عايشا فهاد البرد وهيا مالابسة والو وجيعانة 

مايجي يصبح صباح حتى تكون ماتت ,,,,اوووووف لبرد نمشي 

نكمل نعاسي قبل مايشوفني شي واحد

انا بغيتك تنعس فشوك واش غايجيك نعاس من بعد هادشي

 ليدرتي الله ياخد فيك الحق الحقييير الله ياخد فيك الحق 

(طبعا هاد الشخص ماعرفناهش واش راجل ولا مراة حيت 

كان مغطي وجهو ).

"في الصباح"

شخص-على سلامة 

,

,,

الشخص ثالني-الله يسلمك وصبح لخير 

شخص- انو صبح هدا ,,, ماعمرني نعاود ندوز عليك هادي 

ساعة وانا نتسنا فاش صونيت عليك كنتي مازال ناعس

شخص ثاني- الاااا كنت فايق غير مازال مخشي فلملاية

 ماقديتش نوض عجبتني سخونية

شخص-اااه... اخر مرا ندوز موراك نتا مخشي فلملايا وانا 

كايصوط فيا لبرد هادي ساعا ونتا عليا هانا خارج ونتا مازال 

ناعس 

شخص ثاني- واصافي ندمتينا لاش عيطنالك ,,بناقص كاع 

,,,جبتي معاك دود

شحص- اه جبتو ,,,هاك شد دياولك راهوم سخفانين 

شخص الثاني- سنارة ديالي تهرست لبارح شادها غير بسكوتش 

شخص- ههههههه واهيا اليوم غانغلبك 

شخص ثاني - عول واخا ملصقا راها تقضي لغراض

شحص- امممم باينا,,,,مازال مازاااااال مافقدت الااامل 

مافقدت الامل مازال مازاااااال 

شخص ثاني- شووووو 

الشخص -مالك غير كانضحك معاك

الشخص الثاني- واسكتنا اصاحبي خليني نسمع مزيان

,,,,,واش سمعتي شي حاجا

الشخص- شنو غادي نسمع 

الشخص الثاني- واغير ركز سمع مزيان ,,,,

الشخص- هااا,,,اشنو هادشي 

الشخص الثاني- بحال صوت ديال شي قطة

الشخص- الا انا جاني صوت ديال شي وليد صغير ,,,

صوت جاني جاي من لقصب 

السخص الثاني-شوف ديك لميكا لهيه كاتبانلي كاتحرك 

الشخص- اممم بلاتي (قطع قصبة طويلة)

الشخص الثاني-اشنو غادير ,,,

الشخص -غادي نجبد ديك لميكا نشوفو شنو فيها ,,,,

الشخص الثاني- غنداك غير يكون شي حنش

الشخص= ااااه ,,,اوه ,,,,هاااااهي 

الشخص الثاني- حلها نشوفو,,,,, هاااااا ,,,الله اكبر 

الشخص- ارا جاكيطا ديالك ,,,(شدها منو وكمس ديك لبنيتا باش تسخن شويا)

الشخص الثاني- شكون هاد الحيوان ليدار هادشي خصو يتعاقب

 هدا راه ماشي بنادم

الشخص- صافي سكتنا ونتا داير بحال لعيالات غير كاتصرخ

الشخص الثاني- نديوها لبوليس

الشخص-اشمن بوليس غانديوها لطبيب مكاتشوفهاش ز

رقا

 بالبرد يعلم الله من فوقتاش وهيا هنا مليوحة نديوها لطبيب 

وهوما يتكلفو بيها

وفعلان داكشي ليدارو داوها لطبيب وحكاولهوم على القصة

 كيفاش لقاوها غير شافها دكتور تخلع

دكتور - ضربات القلب ضعيفا بزاف ركبيلها سيرو دغيا ,,,جسم

 ديالها فقد بزاف ديال السوائل كون بقات تما غير ساعة كانت 

غاتموت,,, الله يابنتي واشنو حكايتك شكون ليدار فيك هاد الحالة

 وشمن حساب عندهم معاك,,,, حسبي الله ونعم الوكيل ,,,لبسيلها

مزيان باش تدفا ساعة وغانرجع

"بعد مرور ربع ساعة"

الممرضة-(كاتجري)دكتور دكتور ,,,لبنيتا ليجابو قبيلة,,,

قلبها وقف

الدكتور- (ناض دكتور بزربا غير سمعها),,,عملتيلها انعاش للقلب

الممرضة- اه ومادارلها والو,,,نديرولها الساعق الكهربائي

الدكتور - لا جسمها ضعيف مغاديش تتحملو

الدكتور مافقدش الامل بقا يحاول ويحاول يعمليها انعاش

 للقلب وبدون نتيجة حتى فقد الامل

الدكتور- اااه ,,,سجلي وقت وتارخ الوفات ,,,

الممرضة- واخا (قرب يخرج الدكتور من الباب ) 

دكتور ,,,ضربات القلب رجعات

الدكتور-هااا,,, سبحان الله,,,,ربي مكتبليك عمر طويل ,,,

الممرضة- الحمد لله ,,,بغيت غير نعرف شكون هاد المجرمين

 ليدارو فيها هاد الحالة 

الدكتور -ربي كبير ابنتي ,,,لو يعلم الضالم ما اعده 

الله للمضلوم,,,لبخل الضالم على المضلوم بضلمه له ,,,,

مرت شهر والحمد لله تحسنت صحة الطفلة وجا لوقت باش تنتاقل للميتم ,,,وبالفعل 

انتقلت للميتم وهي فعمرها ثلاتة اشهر عاشت تما خمس سنوات مع العديد 

من الاطفال فسنها واكبر منها واصغر منها مع الاسف حتى واحد مكايختار مصيرو 

,,,فهاد الفترة كان عندها ملاك حارس وهوا ليسماها اسم "ايات" كان كبر منها 

بعشر سنوات وبجوج بيهوم عايشين فنفس الضروف بجوجهوم ايتام

الشخص - ايات ,,,,ايااات ,,,فينك ,,,فين مخبيا اممم ,,,غادي نلقااااااك ,,,

هاااااا ,,,,شديتاااااك هههههه

ايات- ههههههه ارسلان خلعتيني

 
ارسلان- ياك انا علمتك ماتخافيش وتكوني قوية 

ايات - اااه ولاكن راه جيتيني على غفلة ,,,,خويا ارسلان عافاك عاودلي على ماما 

ليشفتيها فلحلم

ارسلان- اممم عاوتاننننني عاودتهالك مليون مراااا

ايات- عافاك اخويا عافاااااك توحشتها

ارسلان- واخا اجي كلسي هنايا

,,,,
طبعا هوا كان غير كايكدب عليها حيت كاع ليفلميتم وقت

 العطلة كايمشيو عند عائلاتهوم الا هوما وشي اولاد معاهوم فكانت ايات ديما كاتبك

ي فاش كاتوصل العطلة وكاتخوا الخيرية كاتفكر عائلتها ليماعندهاش فهوا ختارع

 ليها ديك الكدبة انه شاف مماها فلحلم وديما كايوصفلها شكلها

ايات- فنصرك واش غاتجي عندي شي نهار ماما وتديني

ارسلان- اه غادي تجي راها غير مسافرا وعندها الخدما 

ايات- ولاكن علاش مكاتسولش فيا واش مازالة مطولة فلخدمة

ارسلان-امممم,,, اشنو بانليك نغنيليك الاغنية ليكاتعجبك

ايات- ااااااه ,,,, دابا دااااابا

ارسلان- هههه واخا ,,,,(اغنية المسلسل الكرتوني ابطال الدجتل) ,

,,لا تبكي يا صغيري لا انضر نحو السماء,,,,من قلبك الحريري لا لا تقطع الرجاء,,,

ان الامل جهد عمل والجهد لا يضيع,,,الامل جهد عمل ,,,الوان طيف طاهرة 

خوفا وحبا ناشرة,,

ايات- من ايييين من ايييين

ارسلان- من قطرات المااااااء,,,تعاونت قطرات في قلبها نبض 

ملئ بالحياة تماسكت تعاونت كن مثلهااا,,,جهد,,,امل ,,,الوان ,,,

 حياااااااة

ايات - هههه وااااو صوتك زوييين 

ارسلان -بابتسامة ساحرة,,,نتي ليزوينا يالاه ندخلو غادي تمرضي الى

 بقيتي هنا (حيد جاكطة ديالو ولبسهالها)

ايات- ولاكن راه نتا ليغاتمرض حيت حيدتي جاكيطا

ارسلان - واخا نمرض انا كبير ,,, لموهيم نتي ماتمرضيش حيت منين 

كاتمرضي كانبات فايق معاك مكانعسش 

ايات- ههههههه الله يخليك ليا ديييييما مانتفارقوش

ارسلان -اصلان انا غادي نخطفك ونديك من هنا بلاتي غير نكبر 

ونخدم وغاتشوفي

ايات- ولاكن الى جات ماما ومالقاتنيش 

ارسلان- ماتخافيش غادي نكول لمديرة تجيبهوم لعندنا

ايات- كاتواعدني

ارسلان- كانواعدك ,,,يالاه ندخلو 

"في اليوم التالي"

ارسلان-اياات نوضي ,,,نوضي

ايات- مازال الحاااال 

ارسلان-نوضي سمعت المديرة كاتكول شي هضرة خطيرة

ايات- كيفاش

ارسلان- غادي يريبو لخيرية وكل واحد غايسيفطوه لجيهة

ايات -(مخلوعة) لا مايمكنش (عنقاتو)مابغيتش نتفرق عليك عافاك ماتخلينيش بوحدي

ارسلان- انا ماغانخليكش بوحدك عرفتي علاش

 
ايات-علاش

ارسلان-(بتاسم وعينيه عامرين دموع) حيت سمعت المديرة كاتقول ان ماماك عيطاتلها

 وقالتلها غاتجي تديك 

ايات- (وقفت فوق الناموسية بالفرحة) واش بصاح ,,,فقتاش واخيرا غادي نشوفها 

ارسلان- اااه هههه 

ايات-غادي نديك معايا تكون خويا

ارسلان- لا مايمكنش ,,,ولاكن غادي نبقا نجي عندك نشوفك مرا مرا معمرني

 مغانخليك واخا

ايات- تواعدني

ارسلان- نواعدك (عنقها)

طبعا ارسلان مقالش هاد الهضرة غير من عندو حيت سمع المديرة والمربية كايهضرو

المديرة- جا تقرير من مجلس البلدية عندنا 15ليوم باش نخويو الخيرية

 
المربية- انا مافهمتش هاد الناس كايفكرو غير فريوسهم وهاد الاطفال مساكن فين

 غانديوهوم

 
المديرة-والله ماعرفت هي من جهة من الاحسن نخويو لان هاد الخيرية فاي لحضة طيح

 فوق ريوسنا ومن ناحية اخرا هاد الاولاد فين غايمشيو

 
المربية- كاين حل واحد تقريبا الاطفال ليهنا اغلبهم عندهم واليديهم غانسيفطوهم

 لعندهوم

 
المديرة - ايوا والباقي

المربية - نشوفو شكون يتبناهوم

المديرة عندنا غير 15ليوم كيف غانديرولها

المربية- عندي واحد صاحبتي ماكاتولدش غادي نحاول نقنعها باش تبنى ايات

المديرة- هادي حليناها وارسلان

المربية- مشكيييلة وحق الله,,,,نقلوه لشي خيرية اخرى تتبناه

 
المديرة - ادن صافي حليناها ومنهنا حتى يبنيو خيرية جديدة يكون خير لموهيم لوليدات

 مايتكرفسوش (في الغد)

امينة- انا متشوقة نشوف بنتي

حسن- وحتى انا احياتي

المديرة- الحمد لله انه مزالين ناس ليكايبغ

يديرو الخير

امينة- فاش جات عندي المربية وقتارحت عليا نتبنا بنيتا حسيت ان الله قدملي هدية

 من سماء ومانقدرش نرفضها 

المديرة- (تبسمات)دابا عاد رتاحيت منين غانخلي البنت فايادي امنة 

,,,هانا غانجيبهاليكم تشوفوها(خرجت)

ايات- انا فرحانا حيت غانشوف ماما اخويا

 
ارسلال- وحتى انا فرحتليك

المديرة - ايات بنتي مستعدا تشوفي ماماك 

ايات-اه مستاعدا وحتى ارسلان غايدخل معايا

المديرة- اممم لا غير خليه هوا هنا غايتسناك

 
ارسلان-(نزل على ركابيه وشدلها فيديها) غير دخلى انا ماغانتحركش من

 هنا
ايات- بحزن,,,واخا

دخلت ايات وكانت فرحانة بزاف وامنة ستقبلاتها بالاحضان ودموع الفرحة 

ومن بعد يومين جاو باش يديوها كانو دموع فعينيها هي وارسلان مقادرينش

 يتفارقو غير بزز طفل صغير شادينو جوج رجال ولقوة ديالو تضوبلت على عشرة

 و كايغوت ماقادرش على فراقها حيت هي كانت عائلتو وكل حاجة بانسبة ليه,

,,,لفراق صعييييب,,,, اما ايات كايجروها امنة وحسن وهي كاتبكي على

 ارسلان مسكنة,,,,,, وفليل كالس فجردة هاز صورتها ودموع فعينيه وكايغني

 لا تبكي يا صغيري لا انضر نحو سماء ,,هاد الاغنية وصورة هي الاشياء 

الوحيدة ليبقاتلو من بعدها ,,,,ما اصعب ان تفقد شئ,,,وانت لا تزال تحتاج اليه 

اضغط هنا للانتقال الى الفصل 2

06:08 | 0 التعليقات | قراءة المزيد